مممممممممم !
جالي تااااااج ... آه و الله العظيم تلاتة جالي تااااااج ....
و مش واسع على راسي الحمد لله ... دلوقتي أنا أكبر من سيمبا بكتير و إن كان على عم سكار فمش هيشمت فيا علشان التاج كبير عليا ....
دلوقتي هقدر أحكم أرض العزة ..... نالااااااااااااااااا ..... دااااااااااارش....
أحم أحم !!!
شكلي بدقت أخرّف ...
لأ بجد اسيبني من أعراض الشيخوخة .... ندخل في الجد ....
جالي إمبارح تاج من " الجواز و سنينه" صاحبة مدونة " جواز و اتجوزنا " ...
تخلت عن التاج لخمسة منهم أنا .... أعوذ بالله طبعاً من كلمة أنا دي ....
تستاهلي و الله جايزة الحكم الرشيد .... فينك يا محمد يا ابراهيم ....
مش أي حد بيتخلى عن التاج اليومين دول طواعية يعني ....
هو ده التداول السلمي للسلطة اللي بنادي بيه ...
مبروك عليكي بقى الخمسة مليون دولار ....
دولااااااااار $$$$ مش جنيه :)
دي الديمقراطية فلوسها كتير قوي ....
نروح بقى للتاج ... اللي مش أي تاج ....
الدستور بقى بتاع المملكة ....
المادة الأولى : اذكر عشرة اشياء عن نفسك.
المادة التانية : خمس اشخاص تهدى لهم التاج.
المادة التالتة : لا تهدى التاج لمن اهداه اليك.
المادة الرابعة : عرف اللى بعتلك التاج انك نزلته عندك ।
اذكر عشرة اشياء عن نفسك:
يا جماعة بقى يا جماعة ليه بس الإحراج ده ... يا كسوفي يا كسوفي ... أتكلم عن نفسي ... ما نخلي أفعالي تتكلم بقى زي ما بيقولوا في التفليزيون ..
طيب طيب .... هنجز حاضر ... بث كده ... هقولكم بقى كلام م الكبير بتاع الوزراء و رجال الأعمال و أصحاب الطوابين بتاعة العيش ....
- أول حاجة بقى .... باكل كتير و ما بيبنش عليا ... طفس ... بس من بعد النزلة المعوية قللت في الأكل ... مش عايز اعمل غسيل معدة ... برسيل مش هيخش معدتي أبداً ...
- دي تاني حاجة .... مؤمن بتوفيق ربنا أنه قبل أي شيء و بعد توفيق ربنا دعاء الوالدين.
- بحب بابا الله يرحمه جداً جدا ... و بحب ماما جداً جداً جداً .... برج السرطان بقى أعمل إيه.... دعواتها بعد توفيق ربنا و رضاها عني هي السر في أي نجاح ليا سواء دراسي أو غير دراسي.... بصوا بصوا ... نصيحة من فاشل ... اسمعوا كلام مامتكم و بهبهاتكم و ما تذكروش و هتنجحوا بإذن الله ...
- خايف الدنيا تخلص و أنا بنط من هدف للهدف اللي بعدة من غير ما استمتع بالدنيا, و ده الهاجس اللي بيجيلي كل شوية و منغص عليا عيشتي....
- بطيء جداً في اتخاذ أي قرار علشان بخاف أغلط .... فلازم آخد بالي من كل الظروف المحيطة ... ملابسات القضية...
- ممممممم ! أقول إيه تاني ... آه آه أفتكرت ..... بخااااااااااااف موت من المواجهات في المشاكل سواء كنت على حق أو أنا اللي غلطان .... ماليش في اللوم .... و لما أبو الهول ينطق و ألوم أي واحد بيكون فات شهور !!!! هو عموماً بيكون نسي دايما ....
- بخاف من القيادة أو السلطة بس بحب أبدع فيها أو أحقق أي أنجاز جديد و غير مسبوق .... بس بحس في أول الأمر أني هغرق في شبر مية و ساعات بحس أن الكل منفض فبكون عايز أعيط .... آه و الله بيبقى نفسي أعيط ..... بس بعد كده الحمد لله بقدر أسيطر على مقاليد الأمور .... حلوة مقاليد الأمور مش أي حد بيقولها على فكرة يعني على فكرة...
- مقتنع قوي قوي قوي أن المال وسيلة و ليس غاية ... ساعات أقعد أحوش أحوش أحوش و ف ثانية أضيعها في حاجات غريبة ... بس الحمد لله مش هايفة.
- هههههههههههههههه بجيب شعري على جنب .... مش عارف ليه الموضوع ده مستفز ناس كتير بس مش عارف أغير الحكاية دي ... فيه حد ممكن يغير مناخيرة؟؟؟ ... فيه حد من يغير شفايفه؟؟؟؟ ... فيه حد ممكن يجيب الودن الشمال مكان اليمين ؟؟؟؟ .... أهو أنا ما أقدرش بقى أجيب شعري على جنب ... أولع فيه يعني .... أحلقه زلبطة ؟؟؟ .... هو كده .....
- نفسي ربنا يكون راضي عني و الناس تفتكرني بالخير و بس .
أهدي التاج لحد ...... مممممم .... طيب ما اتهني بيه شوية ؟!!!! .... نفسي أبقى ديكتاتور .... ياللا فرصة تانية...
- أحمد عبد الرحمن ... صاحب مدونة "أحمد عبد الرحمن" ...
- مصطفى ريان .... صاحب مدونة إبداعات شاب ثائر....
- لست أدري ..... صاحبة مدونة شوية شخبطة ...
- ليكوريكا ..... صاحب مدونة مجرد مشاعر ...
- غادة الكاميليا ... صاحبة مدونة وقع الخطى ...
نيجي بقى للتبليغ .... ثواني آخد توك توك و أروح القسم أبلغ ...
المشاركات
17 التعليقات:
واد ياصاصا ... ايه ده كله ياد
بص ياسيدى من ناحية الطفاسة فانا اشهد كنت بتاخد المربى والجبنة بتاعتى فى الفطار والعشاء هههههه .... فاكر ياد يوم اما كنا فى حلوان وجيتم فى الفطار متاخر وفجاة مكنش فى عيش كان خلص على حظكم وجيت تسرق العيش منى ...هههههههه
وتانى حاجة بارك الله فيك يارب أشهد بحسن أخلاقك
بس أول مرة أعرف إن والدك متوفى ... الله يرحمه .... هو مات امتى
وربنا يباركلك فى أمك ويخليهالك يارب
ونصيحتك على العين والراس .. أشهد بانها كلها بركة والله وعلى رأى الشاعر
الأم مدرسة
واللى ميشوفش من الغربال يبقى أعمى
الجزء بتاع بطىء فى اتخاذ القرار .. يمكن لاحظته فى موضوع الكاريكتير بتاعك لما كنت عاوز تنشره ولما اتكلمنا فيه من سنتين تقريباً
متخفش يامصطفى هتستمع بالدنيا بس انت اوصل بس وقولى علشان نحاول مع بعض نستمتع
مش عارف اقولك ايه بالنسبة للجزء بتاع صبرك على الرد فى الشخص اللى يسىء لغاية ما يتنسى الموضوع
والجزء الاخر بتاع التأنى فى اتخاذ القرار
مينفعش نفصلهم عن بعض لازم نتأنى فى أى شىء وفى نفس الوقت نكون شجعان فى اخاذ القرار
ونتحمل مسئوليته
لكن مقصدش نكون عنتريين ونتحمس أوى زى الجماعة إياهم اللى انت عارفهم أكيد اللى ممكن فى لحظة يضيعونا بعواطفهم الثايرة الغير موزونة أبداً
لكن لازم نوازن وأعتقد مع الخبرات المتتالية ليك هتكتسب المقدرة ده خصوصاً إن طريقك ماشى فيه كويس
أما شعرك فانا كمان بحبه كده سيبك يابنى من كلام الناس لا هيودى ولا هيجيب خليك فى كلامى أنا بس ..... هههه شعرك كده حلو ... اينعم هو لازم يتقصر شوية وتلونه من الجنب أبيض وترجعه للوراء دُر ..بس مش مشكلة ده حاجات بسيطة ممكن نتجاوز عنها
أخيراص بارك الله فيك يامصطفى انت فعلا شاب محترم ربنا يطرح فيك البركة ويرزقك بنت طيبة بنت حلال ياصاصا
صحيح هو سممير حلمى غير رقمه ولا ايه بقالى كتير بضرب عليه وهو مغلق
وثانيا أنا هعمل الموضوع ده الصبح أو بليل اليوم علشان لسه منزل مقال ولازم أديلها حقها
يلى سلام ياباشا وادعيلى هبدا يوم 19 وهخلص يوم 2/6 أخيراً آخر تيرم همتحن فيه وأخلص من أم الدراسة ياأخى الواحد زهق .... يلا سلام
صحيح هو الشات اللى انت عامله فى البلوج ده ممكن تدينى الكود بتاعه
ازيك يا درش
بص بقي اجابتك بتدل علي انك انسان كويس وجميل من جواك بس يا قمر لازم نواجه ونجمد قلبنا طالما كان الحق معانا وحجتنا قوي ةكمان مش لازم نخاف من بكرة لأنه بأيد ربنا خوفنا من بكرة مش هيخلينا نتمتع بالنهاردة فجمد قلبك دة انت اسمك مصطفي يا جدع
اما بقي والدك فالله يرحمه ويغفرله ويدخله فسيح جناته انا كمان ابويا مات وانا كنت لسة بردة 19 سنه مالحقتش اتمتع بيه لكن دايما بتمنى له الرحمة وانه ينول اعلى مراتب الجنة
اما شعرك فدة براحتك مادمت شايف نفسك كدة خلاص ولا يهمك لكن بردةمايمنعش انك تجرب وتغير القصة
اما انك مررته ليا
فانا بشكرك لأنك فاكرني - درشاويةزي بعض بقي -لكن يا قمر لو دخلت عندي ونزلت تحت شوية هتلاقيني جاوبت عليه لأن احمد صاحب مدونة منحنيات مرره ليا
وان شاء الله تتعوض في تاج اخر
سلامي ليك يا قمر
مبرووووك التاج يا دكتور
على فكره كلامك عن نفسك هنا غير ما كنت اتوقع خالص
يلا ربنا يوفقك ان شاء الله
وشكرااا جزيلا على التاج
بس يا ترى ايه مكونات التاج ده ؟
هل هو الماظ ؟ ولا دهب ؟ ولا شكله هيطلع تاج صفيح فى الاخر ؟
اصلى معذوره فى قرشين وقررت ابيعه
ahmedmisry يقول...
واد ياصاصا ... ايه ده كله ياد
بص ياسيدى من ناحية الطفاسة فانا اشهد كنت بتاخد المربى والجبنة بتاعتى فى الفطار والعشاء هههههه .... فاكر ياد يوم اما كنا فى حلوان وجيتم فى الفطار متاخر وفجاة مكنش فى عيش كان خلص على حظكم وجيت تسرق العيش منى ...هههههههه
-----------------------------------
ليه بس الفضايح اللي أون لاين دي يا واد يا أحمد
ما كنش نص رغيف على حتة علبة مربي
أمال لو كانت مربي خوخ مش فراولة كنت هتعمل ايه !!!!
هو معتقل إعداد القادة بتاع حلوان ده بيذل كده
تأديب و تهذيب و إصلاح
والدي توفى 13 مايو 2003 يا أحمد
الله يرحمه بكره السناوية بتاعته
و ربنا يخلي والدتي يا رب
و عندك حق اللي ما بيشوفش من الغربال يلبس نضارة طبعاً
أو ممكن يغير الغربال :)
أما بخصوص القرارات
فانا متروي قوي قوي قوي
الدنيا مش بتجري يا عم أحمد
و تبرئة ظالم خير من ظلم بريء
و شعري مش هينفع أقنعه انه يتسرح غير على جنب
شعر صعيدي باين عليه :)
و سمير يا عم ما غيرش الموبايل
تفتكر لو غير العدة بتاعةالموبايل ممكن يأثر على الرقم ؟؟؟
و ربنا يوفقك و يوفقني و يوفق زملاتنا كلهم في امتحاناتهم يا رب
مبروك يا عم الشات اللي عندك في البلوج دلوقتي
ازيك يا درش
بص بقي اجابتك بتدل علي انك انسان كويس وجميل من جواك بس يا قمر لازم نواجه ونجمد قلبنا طالما كان الحق معانا وحجتنا قوي ةكمان مش لازم نخاف من بكرة لأنه بأيد ربنا خوفنا من بكرة مش هيخلينا نتمتع بالنهاردة فجمد قلبك دة انت اسمك مصطفي يا جدع
اما بقي والدك فالله يرحمه ويغفرله ويدخله فسيح جناته انا كمان ابويا مات وانا كنت لسة بردة 19 سنه مالحقتش اتمتع بيه لكن دايما بتمنى له الرحمة وانه ينول اعلى مراتب الجنة
اما شعرك فدة براحتك مادمت شايف نفسك كدة خلاص ولا يهمك لكن بردةمايمنعش انك تجرب وتغير القصة
اما انك مررته ليا
فانا بشكرك لأنك فاكرني - درشاويةزي بعض بقي -لكن يا قمر لو دخلت عندي ونزلت تحت شوية هتلاقيني جاوبت عليه لأن احمد صاحب مدونة منحنيات مرره ليا
وان شاء الله تتعوض في تاج اخر
سلامي ليك يا قمر
--------------------------
يا ريت والدي و الله يا أبو درش كان عاش لحد ما بقيت 19 سنة
على الأقل كنت دخلت الكلية
و معلشي بقى يا أبو درش مخدتش بالي أن فيه تاج اتبعتلك
بس توعدنى أن لو جالي واحد غير اللي انت جاوبت عليه تستلم التاج و تبقى الملك كمان و لفترة ملكية غير محددة
لست أدرى يقول...
مبرووووك التاج يا دكتور
على فكره كلامك عن نفسك هنا غير ما كنت اتوقع خالص
يلا ربنا يوفقك ان شاء الله
وشكرااا جزيلا على التاج
بس يا ترى ايه مكونات التاج ده ؟
هل هو الماظ ؟ ولا دهب ؟ ولا شكله هيطلع تاج صفيح فى الاخر ؟
اصلى معذوره فى قرشين وقررت ابيعه
-----------------------------------
أزاي يعني يا حسناء مش فاهم و الله
على العموم في يوم من الأيام هفهم منك
و بخصوص التاج
هو الطبيعي أنه مش دهب بس بمجهودك تخليه ألماظ أو صفيح
على قد مججهودك
وانا عارف أنك هتخليه ألماظ و يافتوت و علي بابا من غير الأربعين حرامي كمان
و التاج غير قابل للبيع
الهدية لا ترد و لا تهدى
كل تاج وانت طيب
وكلامك جميل
اهم حاجة يكون الانسان قريب من ربنا
وبيراعى الاباء والامهات
ربنا يكرمك
تحياتى
Tamer Nabil يقول...
كل تاج وانت طيب
وكلامك جميل
اهم حاجة يكون الانسان قريب من ربنا
وبيراعى الاباء والامهات
ربنا يكرمك
تحياتى
-----------------------------------
و أنت طيب يا تامر يا جميل يا نبيل
و يا رب نعيش كلنا في طاعة ربنا و رضا الآباء و الأمهات
Darsh
هههههههههه
دمك خفيف فعلا
نورت المدونة عندى و لازم تكرر الزيارة
انا اهو جيتلك لحد بيتك.عجبنى جدا كلامك عن والدك ووالدتك بر الوالدين من أفضل الاعمال يزيد العمر و يبارك فى الرزق و دعواتها ليك ان شاء الله مستجابة بس بلاش موضوع من غير مذاكرة ده
ربنا يوفقك و نحب نشوفك عندنا كتير
تحياتى
ضحكتني وأنا على اخري يامصطفى تخيل أنا عرفت ان انت انت منين
من حاجتين
الصورة اللي شبهك قوي
ولغتك في الكلام كأنك بتتكلم قدامي
عموما بعيدا عن التاج أنا عايزة أقولك رغم انك سرطان ( بهرج طبعا)
لكن انت فعلا إنسان جدير بالاحترام وشخص مقابلتش زيه اتنين في حياتى الضئيله دي اللي تقريا هتاخد القطر التالت اللي على الترب على رأيك قريب
ربنا يوفقك
صحيح ايه حكاية د أشرف أنا كمان ؟ بعتذر انى مش هرد على التاج مؤقتا لأني هقفل البلوج فترة
ربنا يوفقك وأشوفك قريب ان شاء الله
Gannah يقول...
Darsh
هههههههههه
دمك خفيف فعلا
نورت المدونة عندى و لازم تكرر الزيارة
انا اهو جيتلك لحد بيتك.عجبنى جدا كلامك عن والدك ووالدتك بر الوالدين من أفضل الاعمال يزيد العمر و يبارك فى الرزق و دعواتها ليك ان شاء الله مستجابة بس بلاش موضوع من غير مذاكرة ده
ربنا يوفقك و نحب نشوفك عندنا كتير
تحياتى
-------------------------------------
أهلا و سهلا بيك يا جنة
البلوج بلوجك طبعاً
بس خدوها مني نصيحة
إرضاء الوالدين مع مذاكرة خفيفة = تقدير كويس
نورك ملى البلوح يا جنة
غادة الكاميليا يقول...
ضحكتني وأنا على اخري يامصطفى تخيل أنا عرفت ان انت انت منين
من حاجتين
الصورة اللي شبهك قوي
ولغتك في الكلام كأنك بتتكلم قدامي
عموما بعيدا عن التاج أنا عايزة أقولك رغم انك سرطان ( بهرج طبعا)
لكن انت فعلا إنسان جدير بالاحترام وشخص مقابلتش زيه اتنين في حياتى الضئيله دي اللي تقريا هتاخد القطر التالت اللي على الترب على رأيك قريب
ربنا يوفقك
صحيح ايه حكاية د أشرف أنا كمان ؟ بعتذر انى مش هرد على التاج مؤقتا لأني هقفل البلوج فترة
ربنا يوفقك وأشوفك قريب ان شاء الله
-------------------------------------------
هههههههههههههه
ايه رأيك ... عرفت أرسم نفسي بالـpaint و لا لأ .... لا تقولي فوتوشوب و لا فوتوماركت ....
و على فكرة و الله انا سعيد اني برج السرطان قوي ... هو الاسم بتاع البرج صحيح أعوذ بالله يخض ... بس عادي ... الأعمار بيد الله سواء كان مرض و لا سرطان البحر ....
دكتور أشرف صحيح عايز أسماء الناس اللي شاركت معاه في الأسبوع علشان يعمل ليهم شهادات لزوم الـسيفيهات بعد التخرج وكده ...
و شكراً يا غادة على الإطراءات دي ... كلك زوق طول عمرك ... و الله وشي أحمر ...
و أنا و الله بفكر أقفل البلوج مؤقتا ... بس ياللا على ما أبدأ أمتحانات كده ... قال يعني هذاكر لما أقفله !!!
هههههههههههههههه
ضحكتننى فى حكاية بتجيب شعرك على جنب طيب دة يغيظ الناس فى اية كل واحد حر ان شالله يشيل شعرة خالص حد لية عندك حاجة كبر دماغك وخليك واثق من نفسك
كل صفاتك حلوة بس الا حكاية المواجهه لازم تتعلم تواجه دايما عشان دة حيخليك تبقى اقوى فى الحياة
مدونة جميلة اوى
تحياتى وتقديرى
والله دمك خفيف يا درش
البسمة ما فارقتنيش طول قراءتي
فكرتني شوية بالدكتور احمد خالد توفيق
اعتبرني زبون دائم عندك ان شاء الله
وتقبل تحياتي
FaceMoon يقول...
هههههههههههههههه
ضحكتننى فى حكاية بتجيب شعرك على جنب طيب دة يغيظ الناس فى اية كل واحد حر ان شالله يشيل شعرة خالص حد لية عندك حاجة كبر دماغك وخليك واثق من نفسك
كل صفاتك حلوة بس الا حكاية المواجهه لازم تتعلم تواجه دايما عشان دة حيخليك تبقى اقوى فى الحياة
مدونة جميلة اوى
تحياتى وتقديرى
-----------------------------------
قوليلهم بالله عليكي يا وجه القمر
ايه المشكلة لما أجيب شعري على جنب مش عارف !!!!
و كان حلم حياتي أحلق شعري ظلبطة
بس للأسف ما اتحققش
الحمد لله بحاول أعمل كل شيء أول بأول و نصفى الزعل بدري بدري بدل ما يتفقم على رأي ماجد شبلاق قطاع الأخبار الضفة الغربية
امل يقول...
والله دمك خفيف يا درش
البسمة ما فارقتنيش طول قراءتي
فكرتني شوية بالدكتور احمد خالد توفيق
اعتبرني زبون دائم عندك ان شاء الله
وتقبل تحياتي
------------------------------------------
الحمد لله
لازم الواحد يكون شمعه تحترق من أجل أن تذوب
و انا على فكرة م الجيل اللي كبر و اتربى على قصص د. أحمد الراجل اللي زي العسل ده
تنوريني دايما في مدونتي المتواضعة قوي ... معلشي بقى انتي شايفة العفش على قد الحال :)
إرسال تعليق