يااااااااااااااااه !!!
من أيام الأمتحانات ما كتبتش هنا !!! ده احنا داخلين على امتحانات الترم التاني أهو ... بجد بجد كانت فترة عصيبة الفترة اللي فاتت دي...
أنا عارف أني مرهق دلوقتي ... بس أعمل ايه ... مهو من اللي حصل النهاردة في الكلية يشل ... فيها ايه يعني لو شلنا الماكت القديم المتقطع بتاع الكلية و حطينا مكانه اللوح لمدة اسبوعين ... الماكيت هيحمض مثلاً؟؟ ... نحطله مواد حافظة مصرح بيها من قبل وزارة الصحة ... العته هتاكله؟؟ ...نحطله نفتالين بليه و كمان دماغه عالية لو لزم الأمر ... مش هيرضى يتحط في مكانه القديم تاني ؟؟؟ ... يا عم هنقنعه ...
المهم ..... أنا مخنوق على الآخر و نفسي انتحر و أرمي نفسي في البحر بس خايف أموت غير ممكن الهدوم تتبهدل و تتبل أو يجيلي برد و أنا ميت .... و رغم الحالة النفساوية التين ( اسمها طين عارف بس علشان ابان ابن ناس ) .... قولت ادخل أروق ...
صباح الخير يا مدونتي ... ايه أخبار البوستس معاكي ... طيب الشات بوكس تاعبك و لا حاجة ؟؟؟ ... أي مشكلة أبعتيلي بلييز كوووووول ميييييييييي .... طبعاً مش هعبرك ...
المهم باركيلي ...
ايه اللي لولولولولوليييييييييي؟؟؟ احتشمي يا بت .
بقول باركيلي .... يعني ألف مبروك يا درش ... عقبال ما تبطل دوشة و أشوفك مرتبط ... مش تزغتي ...
مش تسأليني هتباركي على ايه ؟؟؟
اه صح ...
باركيلي مسكت الحمد لله رئيس اللجنة السياسية بملتقى برلمان الجامعات المصرية بالإنتخاب ...
لا لا ياشيخة ما كنشي فيه أي حاجة من مجلس الشعب غير نكسات آخر يوم ... طبعاً هحكيلك كل حاجة بعدين بالتفصيل ...
اختلاف ... و تناقض... رأي و رأي آخر ...
مممممممممم
لأ ما كنشي فيه ضرب الحمد لله ...
المهم عرفت هناك شوية ناس إنما ايه .... رائعين ... هايلين .... انا فخور اني كنت هناك ...
ايدي على كتفك ... نفسي يكون في جامعتي برلمان بجد ...
ياللا بقى علشان أناملي شوية ...
المشاركات
